учебник на туркменском языке

Watan duýgusy, 5 synp, Sultanow H., Karşybaýew M., 2015.

Учебник по чувству родине для 5 класса на туркменском языке.

   Şu gollanma umumy orta bilim berýän mekdepleriň 5-nji synplary üçin niýetlenen bolup, onda Watan we watanparwerlik bilen bagly bilimler we düşünjeler Prezident Islam Karimowyň «Yuksak ma’naviyat – yengilmas kuch» hemde «O‘zbekiston mustaqillikka erishish ostonasida» kitaplary esasynda baýlaşdyrylyp, häzirki zaman talaplary ruhunda beýan edilen.

Taryhdan hekaýalar, 5 synp, Joraýew U., 2015.

Учебник по истории для 5 класса на туркменском языке.

Фрагмент из книги:
Watanyň kesgitlemesi: Watan! Bu sözüň aşagynda älem-älem many bar. Watan – eziz, mähriban we mukaddes ýurt diýmekdir.
Watan – biz doglan mekan. Göbek ganymyz daman toprak. Watan – bu altyn bişik. Ata-enemiz, garyndaşlarymyz we dostlarymyz bilen bile ýaşaýan ýer. Babalarymyzyň yzlary galan ýer. Eždatlarymyzyň ýurdy, ýürekdäki göwher.
Watan – Janajan şäheriňiz we obasyňyzdyr. Adamyň kalby, arzuw-umytlary, guwançlary we geljegi Watany bilen aýrylmaz baglanyşyklydyr.
Mukaddes «Watan» sözi mähriban «ene» sözi bilen ýanaşyk durýar. Çünki, Watan hem ene ýaly ýeke-täkdir.

Saz, 5 synp, Mansurow A., Karimowa D., 2020.

Учебник по музыке для 5 класса на туркменском языке.

  Eliňizdäki «Saz» dersligi Respublikamyzyň umumy orta bilim berýän mekdepleriň 5-nji synp okuwçylary üçin Döwlet tälim standarty esasynda döredilen. Ondan ýer alan nazary we amaly materiallar hem-de saz we aýdymlar okuwçylary saz sungatynyň käbir žanrlary bilen ýakyndan tanyşdyrýar. Olary milli buýsanç we watanperwerlik duýgulary esasynda terbiýeleýär.

Matematika, 5 synp, Xaýdarow B.K., 2020.

Учебник по математике для 5 класса на туркменском языке.

  Siz bu okuw ýylynda hem matematika bilen tanyşmagy dowam etdirersiňiz. Matematika müň ýyllar öň adamyň zerurlyklarynyň önümi hökmünde emele gelipdir. Onuň ösmegine beýik eždatlarymyz - gündogaryň meşhur alymlary, beýik matematik alymlary uly goşant goşupdyrlar. Häzir hiç bir adam matematikany bilmezden, öz durmuşyny doly göz öňüne getirip bilmeýär. Matematika size ýöne bir hasap-hesip işlerini öwretmän, iň esasysy-sizi mantyky pikirlenmäge,pikir ýöretmäge, durmuş meseleleriniň iň makul çözüwini tapmaga kömek eder, akylyňyzy ýitelder.
Eliňizdäki şu derslik haýyrly maksatlaryňyzy amala aşmagynda size hyzmatdaş bolar, biminnet kömekçi bolar. Onuň sahypalaryndan diňe bir matematika degişli maglumatlar bilen däl, eýsem tehnika, ylmyň taryhyna, daşky gurşawa we gündelik durmuşa degişli gyzykly we peýdaly maglumatlar bilen hem tanşarsyňyz. Bu maglumatlar dürli-dürli meseleler we mysallar görnüşinde size hödürlenilýär.

Informatika, 5 synp, Kamolitdinowa D., 2016.

Учебник по информатике для 5 класса на туркменском языке.

   Ylym we tehnika, aýratynam, informasion tehnologiýalar çalt ösýän häzirki döwürde her bir adam özüniň durmuşynda möhüm bolan bilimlere we başarnyklara eýe bolmalydyr.
Özbaşdak durmuşa aýgytly gadam basmak, daş-töweregimizde bolup geçýän özgerişlere we täzeliklere laýyklykda ýaşamak üçin her bir okuwçy aşakdaky bilimlere we başarnyklara eýe bolmalydyr:
– täze bilimleri gözlemeli;
– ýumuşlary, meseleleri we gönükmeleri çözende ýaşytdaşlaryňyz bilen hyzmatdaşlykda işleşmeli;
– bilimleri eýelemekde, ýumuşlary, meseleleri we gönükmeleri çözende kompýuterden peýdalanmaly.
5-nji synpda siz ilkinji gezek «Informatika» ylmyny öwrenersiňiz. Informatika derslerinde siz täze düşünjeleri öwrenip, meseleleri we ýumuşlary ýerine ýetireniňizde kompýuterden peýdalanarsyňyz. Informatika ylmy size daş-töweregiňizde, göz öňüňizde bolup geçýän hadysalara gowurak düşünmekde, täze bilimleri eýelemekde iň ýakyn kömekçiňiz bolar diýip umyt edýäris.

Geografiýa, 5 synp, Gulamow P., Kurbanniýazow R., 2015.

Учебник по географии для 5 класса на туркменском языке.

   Siz şu ýyldan başlap täze — “Geografiýa” ylmyny öwrenersiňiz. Biziň beýik atababalarymyz geografiýany gowy bilipdirler, şonuň üçin hem şu ylym barada gymmatly we gyzykly maglumatlary ýazyp galdyrypdyrlar. Geografiýany gowy öwrenmek üçin Sizde şu derslikden daşary, "Fiziki geografiýanyň başlangyç kursy" atlasy, sudury karta hem-de gözenek çyzykly depder bolmaly. Şeýle hem, reňkli galamlar, çyzgyç, bozguç, sirkul we käbir ýumuşlary ýerine ýetirmek üçin bolsa kompas we globus hem gerek bolýar.

Okuw kitaby, 4 synp, Kadyrow A., Aşyrow A., Welbegow G., 2020.

Учебник по чтению для 4 класса на туркменском языке.

   Şuny ýagşy bil: Sen garaşsyz Özbegistanyň görer gözüsiň. Gelejegisiň. Gowy günleri bildirýän ýaş ýürekli ynsansyň. Garaşsyz Watanymyz senden köp zatlary tama etmäge hakly. Munuň üçin okamak, öwrenmek gerek. Ylym belentliklerine çykar ýaly eliňizdäki okuw kitaby ýakyn kömekçiňiz bolar. Ondaky her bir pikiriň, her bir temanyň kalbyňyza kuwwat berjegine ynanýarys. Şonuň üçin, sen hem şu sahypalardakylara yhlas bilen gara. Arassa sakla, aýawly peýdalan. Bu okuw kitabyndan senden soňky peýdalanjaklarda seniň zehiniňe, yhlasyňa haýran galyp, saňa alkyş okasyn.
Ylym belentliklerine tarap äden ädimleriňiz şowly bolsun!

Edepnama, 4 synp, Holikowa M., Ergaşewa Ş., 2017.

Учебник по этикету для 4 класса на туркменском языке.

   Eziz okuwçy! Eliňizdäki kitap siziň 1-2-3-nji synplarda «Edepnama» predmetinden alan bilimleriňizi baýlaşdyrýar. Bu kitap bilen dost bolsaňyz, diňe bir edepahlak kadalary däl, eýsem durmuşda özüňiz üçin gerek bolýan örän köp zatlary bilip alarsyňyz.
Siz ýuwaş-ýuwaşdan ulalyp, uly durmuşa ädim ädýärsiňiz. Ine şu durmuş bilen tanyşmagyňyzda, onuň tertip-kadalaryny özleşdirmegiňizde «Edepnama» dersligi kömege geler.
Adam edebi bilen gözeldir. Şonuň üçinem atababalarymyz ýaşlykdan bilim we edepahlak kadalaryny ele almagy ündäpdirler. Şol sanda Alyşir Nowaýynyň baý döredijilikli mirasynda edepahlaga degişli göreldeli pikirler köp.