учебник на каракалпакском языке

Ximiya, 7 klas, Xasanova S., Azamatova D., Ismatov I., 2022.

Учебник по химии для 7 класса на каракалпакском языке.

   Ximiya – zatlar, olardıń qásiyetleri hám ózgeriwi, bul ózgerislerdi basqarıw usılları hám ximiyalıq birikpelerdiń insan organizmine hám tábiyiy ekologiyalıq proceslerge tásiri haqqındaǵı pán.
«Ximiya» túsiniginiń bul sıpatlaması dástúriy táriyipten parqı, ol ximiya pánine tiyisli bilimlerdiń oqıwshılarda átiraptaǵı álem haqqındaǵı ilimiy qıyalların qáliplestiriwdiń, oqıwshıda ekologiyalıq bilim kónlikpelerdi, tábiyiy-ilimiy, social hám materiallıq xabar kompetenciyaların rawajlandırıwdaǵı rolin aydınlastıradı. Oqıw pánin úyreniwge qoyılatuǵın talaplar ózgerdi, onı úyreniwge jańa kózqaraslar payda boldı, ximiyanı úyreniw standartları jańalandı, jańa ximiyalıq elementler ashıldı. Akademiyalıq pán retinde ximiya dúnyanıń ilimiy tábiyat kórinisi ideyalardı qáliplestiredi. Ximiya páni tábiyattanıw pániniń basqa predmetleri menen birge ekologiyalıq sana tiykarın rawajlandırıwǵa múmkinshilik beredi.

Jáhán tariyxı, 7 klas, Muǵallimler ushın metodikalıq qollanba, Ismailov A., Mustafoyev J., Hakimov N., 2022.

Учебник по истории для 7 класса на каракалпакском языке.

   Biziń názerimizde, tariyx sabaqların texnologiyalıq jaqtan shólkemlestiriw, tariyx oqıtıwshısınıń óz aldına qoyǵan maqsetine erisiwinde júdá úlken járdem beredi. Oqıwshılarda hárbir sabaqta óz poziciyasın tolıq kórsete alıwın támiyinleydi hám onda kompetentlikti asıradı. Mine usı tárepler oqıtıwshınıń sabaqtı rejelestiriw, joybarlaw, modullestiriw hám modellestiriw procesin ańsatlastıradı. Oqıwshıda bolsa, teoriyalıq, ámeliy jaqtan kompetenciyalıq jantasıwı óz nátiyjesin kórsetedi.
Sol maqsette 7-klass “Jáhán tariyxı” sabaqlıǵı tiykarında oqıtıwshılar ushın arnawlı metodikalıq qollanba tayarlandı.

Geografiya, 10 klas, Muǵallimler ushın metodikalıq qollanba, Avezov M.M., Hojiyeva M.T., Janzakov A.B., 2022.

Учебник по географии для 10 класса на каракалпакском языке.

   Biologiya oqıw páni mazmunınan kelip shıqqan halda qáliplestiriletuǵın kompetenciyalar pánge baylanıslı kompetenciyalar dep ataladı. Pánge baylanıslı kompetenciyalar oqıwshılardıń biologiya páni boyınsha iyelegen bilim, kónlikpe hám uqıplılıqların kúndelikli turmısında dus keletuǵın ámeliy hám teoriyalıq máselelerin sheshiwde paydalanıwı hámde ámeliyatta qollanıw qábiletleri bolıp esaplanadı.

Biologiya, 10 klas, Muǵallimler ushın metodikalıq qollanba, Saparov K., Raxmatov U., Azimov I., 2022.

Учебник по биологии для 10 класса на каракалпакском языке.

   Biologiya oqıw páni mazmunınan kelip shıqqan halda qáliplestiriletuǵın kompetenciyalar pánge baylanıslı kompetenciyalar dep ataladı. Pánge baylanıslı kompetenciyalar oqıwshılardıń biologiya páni boyınsha iyelegen bilim, kónlikpe hám uqıplılıqların kúndelikli turmısında dus keletuǵın ámeliy hám teoriyalıq máselelerin sheshiwde paydalanıwı hámde ámeliyatta qollanıw qábiletleri bolıp esaplanadı.

Ximiya, 10 klas, Ismatov Sh., Azamatova D., Móminjanov M., 2022.

Учебник по химии для 10 класса на каракалпакском языке.

   Usı jıl ximiyanıń eń áhmiyetli bolǵan bólimi-organikalıq ximiyanı úyrenesiz. Organikalıq ximiya ximiya páni hám islep shıǵarıwdıń jedel rawajlanıp atırǵan tarawı bolıp esaplanadı. Házirgi waqıtta bir neshe millionnan artıq organikalıq
birikpeler bar bolıp, olar arasında házirgi kúnge shekem tiri tábiyatta tabılmaǵan zatlar bar. Usı zatlardı alıw ximiklerdiń ilimiy iskerligi nátiyjesi bolıp tabıladı.

Geometriya, 10 klas, Xaydarov B., Tashtemirova N., Asrorov I., 2022.

Учебник по геометрии для 10 класса на каракалпакском языке.

   Áziz oqıwshılar! Siz geometriyanıń bólimi – stereometriya kursın úyreniwdi baslap atırsız. Stereometriya keńisliktegi geometriyalıq figuralardıń qásiyetlerin úyreniwge arnalǵan. 10-klasta stereometriya aksiomaları hám olardıń nátiyjeleri, keńisliktegi tuwrı sızıqlar hám tegisliklerdiń parallelligi hám perpendikulyarlıǵı menen tanısasız.

Ana tili, 10 klas, Abdinazimov Sh., Ismaylova Z., Kazimbetova Z., 2022.

Учебник по каракалпакскому языку для 10 класса на каракалпакском языке.

   Qaraqalpaq tili – qaraqalpaq xalqınıń milliy tili. Tilimiz sonshelli bay, ol qálegen zat hám qubılıstıń tábiyatın barınsha ashıp bere aladı. Jazıwshı, shayırlarımız tárepinen dóretilip atırǵan kórkem dóretpelerimiz tek biziń xalqımız arasında emes, al pútkil jer júzi boylap tarqalmaqta hám súyip oqılmaqta. Bul tilimizdiń qanshelli baylıǵı, onıń dógereginde jumıs alıp barıwshı dóretiwshilerdiń sóz tańlaw sheberliginiń joqarılıǵınan derek beredi.
Tilimizdiń seslik dúzilisi, sózlik quramı bay hám biytákirar. Sonday-aq, tilimizdiń grammatikalıq qurılısı da anıqlamalarǵa tolı, morfologiyalıq hám sintaksislik ólshemleri arqalı pútin tekstti ilimiy jaqtan dálillep, tolıq tallaw jasaw múmkin.

Ximiya, 7 klas, Asqarov I.R., Gafurov K., 2022.

Учебник по химии для 7 класса на каракалпакском языке.

   Usı oqıw jılında Siz birinshi márte ájayıp pán-ximiya menen tanısa baslaysız. Ximiya “sıyqırlı ózgerisler dúniyası” dep te ataladı. Bul tábiyatta bolmaǵan materiallardı sintezlew imkaniyatın beredi, olar barlıq túrdegi mashinalar hám qurılmalardı islep shıǵarıwda, turaq jay qurılısında, kiyim-kenshek hám ayaq-kiyim islep shıǵarıwda qollanıladı.
Ximiya biziń átirapımızda: ne qılsaq ta, qolımızda qanday zat bolmasın, barlıq jerde hár túrli zatlardıń ózgeriwi, yaǵnıy ximiyalıq reakciyalar joldasımız boladı.
Bul sabaqlıqtı úyrengenińizden keyin eń áhmiyetli ximiyalıq elementlerdiń ashılıw tariyxı hám olardıń atları, olar menen baylanıslı ápsanalardı bilip alasız. Belgili alımlardıń turmısı hám olardıń jaratıwları menen tanısasız.