Учебник по математике для 5 класса на узбекском языке.
Siz bul woqi’w ji’li’nda da matematika menen tani’si’wdi’ dawam yetesiz. Matematika mi’n’ ji’llar dawami’nda insan talaplari’ni’n’ wo’nimi si’pati’nda payda bolg’an. Woni’n’ rawajlani’wi’na ulli’ babami’z – shi’g’i’sti’n’ belgili dani’shpanlari’, ulli’ matematik ali’mlari’ u’lken u’les qosqan. Bu’gingi ku’nde hesh bir adam matematikani’ bilmey turi’p, wo’z turmi’si’n toli’q ko’z aldi’na keltire almaydi’. Matematika sizge tek yesap-sanaq islerin u’yretip qoymastan, yen’ tiykarg’i’si’ – sizdi logikali’q pikirlewge, turmi’sli’q mashqalalardi’n’ yen’ unamli’ sheshimin tabi’wg’a ja’rdem beredi.
Qoli’n’i’zdag’i’ bul sabaqli’q iygilikli maqsetlerin’izdi a’melge asi’wi’nda sizge g’amxorli’q yetedi, biyminnet ja’rdemshi boladi’ ha’m woni’n’ betlerinen tek matematikag’a tiyisli mag’li’wmatlar menen yemes, al texnika pa’n tariyxi’, do’gerek-a’tirap ha’m ku’ndelikli turmi’sqa tiyisli qi’zi’qli’ ha’m paydali’ mag’li’wmatlar menen de tani’sasi’z. Bul mag’li’wmatlar ha’r tu’rli ma’sele ha’m mi’sallar ko’rinisinde itibari’n’i’zg’a usi’ni’lmaqta.
