Книги по истории для 10 класса на каракалпакском языке.
Angliyadaǵı sanaat revolyuciyası, basqa da Evropa hám Arqa Amerika mámleketlerindegi sanaat óndirisiniń rawajlanıwı Aziya hám Afrika xalıqları turmısında da salmaqlı ózgerislerge alıp keldi. Koloniya hám ǵárezli mámleketler sanaat ónimleri bazarı hám shiyki zat bazasına aylandırıldı. Evropa mámleketleri Turkiya, Iran hám Qıtay sıyaqlı rásmiy mámleketler rawajlanıwına da kúshli tásirin tiygizdi. XX ásirdiń aqırlarında baslanǵan tariyxıy dáwir ilimde imperializm dep ataldı. XX ásir basına kelip Afrika materiginiń 90 payız aymaǵı jetekshi Evropa mámleketleriniń koloniyalarına aylandırılǵan edi. Biraq koloniyalar ushın gúres dawam etti, qurallanıw báygisi háwij aldı. Bul waqıyalar tikkeley 1914–1918-jıllardaǵı birinshi jáhán urısına alıp keldi. Urıs adamzat tariyxındaǵı ullı geografiyalıq ashılıwlardan baslanǵan jańa dáwirge juwmaq jasadı.
