Вайцеховіч

Iнфарматыка, Вучэбны дапаможнік для 9 класа, Котаў У.М., Лапо А.І., Быкадораў Ю.А., Вайцеховіч А.М., 2019.

Дарагія дзевяцікласнікі! Вы трымаеце ў руках вучэбны дапаможнік па інфарматыцы. Гэта навука становіцца найважнейшым складальнікам усёй сістэмы навуковага пазнання і вызначае шляхі фарміравання інфармацыйнага грамадства, заснаванага на ведах. Паскарэнне тэмпаў росту аб’ёмаў інфармацыі прывяло да неабходнасці шукаць новыя шляхі для захоўвання і апрацоўкі інфармацыі і спрыяла з’яўленню і развіццю воблачных тэхналогій. У пачатку XXI ст. валоданне камп’ютарнымі інфармацыйнымі тэхналогіямі стала такім жа важным элементам агульнай культуры сучаснага чалавека, як уменне пісьменна пісаць і правільна выказваць свае думкі. Метады інфармацыйнага мадэлявання адкрываюць новыя магчымасці для вывучэння прыроды, чалавечага грамадства і інш.

Iнфарматыка, Вучэбны дапаможнік для 10 класа, Котаў У.М., Лапо А.І., Быкадораў Ю.А., Вайцеховіч А.М., 2020.

Дарагія старшакласнікі! Мы жывём у час хуткіх змен, калі інфарматыка становіцца найважнейшым складальнікам усёй сістэмы навуковага пазнання, вызначае шляхі фарміравання інфармацыйнага грамадства, заснаванага на ведах. У інфарматыцы вылучаюць такія раздзелы, як тэарэтычная і прикладная інфарматыка. У вучэбным курсе прадстаўлены абодва гэтыя раздзелы. Тэарэтычная інфарматыка — фундаментальны складальнік інфарматыкі як вучэбнага прадмета. Агульныя заканамернасці працякання інфармацыйных працэсаў, асноўныя паняцці логікі, тэорыя алгарытмаў і мовы праграміравання — раздзелы, якія дазваляюць развіваць у навучэнцаў лагічнае і алгарытмічнае мысленне, выхоўваць інфармацыйную культуру, фарміраваць навуковы светапогляд.

Iнфарматыка, Вучэбны дапаможнік для 8 класа, Котаў У.М., Лапо А.І., Быкадораў Ю.А., Вайцеховіч А.М., 2018.

Дарагія васьмікласнікі! Вы трымаеце ў руках вучэбны дапаможнік па інфарматыцы. Даследаванні, якія праводзяцца ў гэтай навуцы, запатрабаваны як у прыродазнаўча-матэматычных, так і ў сацыяльна-гуманітарных галінах ведаў. Мы, аўтары вучэбнага дапаможніка, паспрабавалі зрабіць так, каб ён дапамагаў вам засвоіць новыя веды і паглыбіць тыя, якія ўжо маюцца. Спадзяёмся, што ў далейшым вы зможаце выкарыстаць атрыманыя ўменні для рашэння практычных задач з розных прадметных абласцей.

Iнфарматыка, Вучэбны дапаможнік для 6 класа, Макарава Н.П., Лапо А.І., Вайцеховіч А.М., 2018.

Дарагія шасцікласнікі! Вы пачынаеце вывучэнне новага цікавага і карыснага прадмета — інфарматыкі. На ўроках вы асвоіце асноўныя прыёмы работы з камп’ютарам, навучыцеся ўводзіць і рэдагаваць тэксты, ствараць відарысы і прэзентацыі. У гэтым вучэбным годзе вы таксама пазнаёміцеся з простымі алгарытмамі і іх выканаўцамі, авалодаеце прыёмамі работы з электроннай поштай.

Iнфарматыка, Вучэбны дапаможнік для 11 класа, Котаў У.М., Лапо А.І., Быкадораў Ю.А., Вайцеховіч А.М., 2021.

У друкаваным варыянце вучэбнага дапаможніка змяшчаюцца главы «Уводзіны ў аб’ектна-падзейнае праграміраванне», «Асновы вэб-канструявання» і «Інфармацыйныя тэхналогіі ў грамадстве». Глава «Камп’ютарнае мадэляванне» прадстаўлена ў электронным дадатку да вучэбнага дапаможніка. Акрамя таго, у электронным дадатку змяшчаецца альтэрнатыўны варыянт для вывучэння тэмы «Уводзіны ў аб’ектна-падзейнае праграміраванне» ў асяроддзі праграміравання Delphi, якое з’яўляецца прафесійным асяроддзем хуткай распрацоўкі дадаткаў з аконным інтэрфейсам. Дадзеная магчымасць дазволіць убачыць, што адно і тое ж заданне можа быць рэшана з выкарыстаннем розных інструментаў. Матэрыялы вучэбнага дапаможніка падзелены на дзве калонкі. Колер фону дапаможа вам разабрацца ў прызначэнні змешчанай на ім інфармацыі.

Iнфарматыка, Вучэбны дапаможнік для 7 класа, Котаў У.М., Лапо А.І., Вайцеховіч А.М., 2017.

Хрэстаматыя змяшчае матэрыял для вывучэння гісторыі Беларусі старажытных часоў, а таксама Ранняга і Высокага сярэдневякоўя ў 6-х класах устаноў агульнай сярэдняй адукацыі. Дадзены дапаможнік дапаўняе і ў шмат чым тлумачыць і ўдакладняе матэрыял вучэбнага дапаможніка «Гісторыя Беларусі са старажытных часоў да сярэдзіны XIII ст.», 6-ы кл. Выкарыстанне матэрыялаў на асноўных уроках і факультатыўных занятках будзе спрыяць эфектыўнаму засваенню вучэбнага матэрыялу, зробіць урокі больш цікавымі і разнастайнымі. Дапаможнік дазволіць вучням зарыентавацца ў сучасным разуменні асноўных праблем гісторыі Беларусі са старажытных часоў да сярэдзіны XIII ст., пазнаёміцца з асноўнымі крыніцамі звестак аб мінулым нашай краіны і метадамі працы гісторыкаў. Прызначаецца вучням і ўсім тым, хто цікавіцца гісторыяй Беларусі і ўсходніх славян увогуле.