учебник на каракалпакском языке

Matematika, 3 klas, Orinbaeva L., Ismailov S., Yusupov X., 2022.

Книги по математике для 3 класса на каракалпакском языке.

Фрагмент из книги.
Ulli matematik alimi al-Xorezmiy jeti juz seksen üshinshi jilda tuwilgan. Ol jigirmadan artiq shigarmalar jazgan bolip, bizge shekem tek jetewi jetip kelgen. Al-Xorezmiy segiz jüz eliwinshi jili qaytis bolgan.

Biologiya, 10 klas, Saparov K., Azimov I., Umaraliyeva M., 2022.

Книги по биологии для 10 класса на каракалпакском языке.

   Siz 7–9-klaslarda oqıw barısında biologiya sabaqlarında tábiyat haqqında kóplegen túsinik hám atama, nızamlılıqlar menen tanıstıńız. Bul oqıw jılında siz biologiyanı úyreniwdi dawam etesiz. Biologiya tiri organizmlerdiń dúzilisi, ózine tán qásiyetleri, kóbeyiwi, rawajlanıwı, kelip shıǵıwı, tábiyiy jámáátler hám jasaw ortalıǵı menen óz ara qatnasların úyrenedi. Biologiyalıq bilimler sizge dúnyanıń ilimiy kórinisin keń túsingen halda, keleshekte shaxs sıpatında qáliplesiwińiz, kásip tańlawıńız, ilimiy dúnya qarasıńızdı keńeytiw hámde ekologiyalıq túsinikke iye bolıwıńızǵa járdem beredi. Usı sabaqlıq járdeminde siz biologiya sabaqlarında hám óz betinshe jumıslarda tirishiliktiń tómen dúzilis dárejesinen joqarı dúzilis dárejesine shekem tábiyatqa bir pútin sistema sıpatında qarawdı, biologiyalıq túsinik, teoriya hám nızamlılıqlardı ulıwmalastırıw, olar arasındaǵı sebep – nátiyje shınjırın ornatqan halda bir sistemaǵa salıwdı úyrenesiz.

Fizika, 10 klas, Tursunmetov K.A., Usmonov Sh.N., Raxmatov J.A., 2022.

Книги по физике для 10 класса на каракалпакском языке.

   Usı sabaqlıq tábiyattaǵı process hám qubılıslardı baqlaw, talqılaw, fizikalıq qubılıslardı úyteniwde ásbaplardan durıs paydalana alıw, fizikalıq túsinik hám shamalardı matematikalıq formulalar menen ańlata alıw, pán tarawında erisilip atırǵan jetiskenlikler, olardıń ámeliyattaǵı endiriliwi arqalı oqıwshılarda ilimiy dúnya qarastı rawajlandırıwdı, keleshekte oqıwshılardı pán hám texnologiya jetiskenliklerinen durıs paydalanıwǵa baǵdarlawdı maqset etken. Sabaqlıqta “Dinamika.Statika elementleri”, “Mexanikalıq terbelisler hám tolqınlar”, “Gidrodinamika”, “Elektrostatikalıq maydan”, “Turaqlı tok nızamları”, “Hár qıylı ortalıqlarda elektr togı”, “Magnit maydan” bólimleri úyreniledi.

Súwretlew óneri, 7 klas, Sulaymonov A., Muhamedjanova S., 2022.

Книги по изобразительному искусству для 7 класса на каракалпакском языке.

   Húrmetli oqıwshı! Sizge inam etilip atırǵan bul jańa áwlad sabaqlıǵında súwretlew óneriniń túrleri, janrları, aǵım hám jónelisleri, dóretiwshi xudojnikler, dizayn, kompoziciyalıq iskerlik, kitap óneri haqqındaǵı maǵlıwmatlar menen tanısasız. Súwretlew óneri sabaqlarında alǵan bilimlerińiz, ózlestirgen ámeliy kompetenciyalarıńız kásip tańlawıńızda sizge jaqınnan járdem beredi. Bunıń ushın sizler sabaqlıqtaǵı temalardı qunt penen ózlestiriwińiz, ámeliy tapsırmalardı orınlap, ózińizdiń sheberligińizdi asırıp barıwıńız kerek boladı. Bul kitap dóretiwshilik iskerlik penen baylanıslı súwretshilik, músinshilik, dizaynerlik, arxitektorlıq sıyaqlı kásipler haqqında kóz aldıńızǵa keltiriwińiz ushın áhmiyetli derek wazıypasın atqaradı dep úmit etemiz.

Biologiya, 7 klas, Saparov K., Azimov I., Umaraliyeva M., 2022.

Книги по биологии для 7 класса на каракалпакском языке.

   Biologiyanıń insan tirishiligindegi áhmiyeti. Biologiya aldında insan den sawlıǵın saqlaw, sıpatlı azıq-awqat penen támiyinlew hám planetamızdaǵı organizmler hár túrliligin saqlaw sıyaqlı eń áhmiyetli mashqalalar bar. Biologiya tarawında alıp barılıp atırǵan izertlewler joqarıdaǵı máselelerdiń sheshimin tabıwǵa qaratılǵan bolıp, biologiya medicina, awıl xojalıǵı, azıq-awqat óndirisi, jeńil sanaat hám basqada tarawlar menen tıǵız baylanıslı. Insanlar den sawlıǵı ushın paydalanatuǵın dári-dármaqlar ósimlikler hám mikroorganizmler iskerliginde payda bolatuǵın ónimlerden tayarlanadı. Biologiyalıq nızamlılıqlardı biliw keselliklerdi emlew hám olardıń aldın alıwǵa járdem beredi. Awıl xojalıǵınıń tabıslı túrde rawajlanıwı ósimlikler sortları hám haywan porodaların jaqsılaw hámde jańa túrlerin jaratıw menen shuǵıllanatuǵın selekcioner biologlarǵa baylanıslı. Tiri organizmler óndiriste de keń qollanıladı. Ayırım bakteriyalar hám zamarrıqlar iskerligi sebepli tvorog, qatıq, yogurt hám sır sıyaqlı sút ónimleri alınadı.

Súwretlew óneri, 6 klas, Muratov X.X., Abdullayev K.N., Mirxakimova D.A., 2022.

Учебник по изобразительному искусству для 6 класса на каракалпакском языке.

   Áziz oqıwshılar! “Súwretlew óneri” 6-klass sabaqlıǵı menen sizler súwretlew óneriniń jáne de qızıqlı hám zamanagóy táreplerin ózińiz ushın ashasız. Zamanagóy súwretlew óneriniń reńli hám sıyqırlı dúnyası sizlerge óziniń sırların ashıp beredi.
Sabaqlıq járdeminde “Fluid art”, “Pop art”, 3D, “Doodling” hám “Zentangle” sıyaqlı súwret salıwdıń jańasha usılları, kinetik músin jasaw texnikası, kompyuter grafikasında súwret salıw temaları boyınsha bilim, kónlikpe hám tájiriybelerge iye bolasız.
Bul sabaqlıq sizlerdiń kórkem estetikalıq talǵamıńızdı qáliplestiredi, dóretiwshilik oy-pikirińizdi rawajlandıradı, sizdi innovaciyalıq ideyalar jaratıwǵa úyretedi, hám de kásip-óner iyelewge baǵdarlaydı.
“Súwretlew óneri” sabaqlıǵın jaqsılap ózlestiriwińizdi hám dóretiwshilik jolında tabıslar tileymiz!

Tábiyiy pánler, 6 klas, Suyarov K.T., Sangirova Z.B., Umaraliyeva M.T., 2022.

Учебник по естествознанию для 6 класса на каракалпакском языке.

   Áziz oqıwshı! Bul oqıw jılında siz «Tábiyiy pánler»di úyreniwdi dawam etesiz. Sizdi tábiyat haqqındaǵı bilimlerdiń ájayıp álemi boylap qızıqlı sayaxatqa mirát etemiz. Tábiyat haqqındaǵı bilimler sizge turmısta zárúr bolǵan kónlikpelerdi rawajlandırıwda járdem beredi. Siz 1-5-klaslarda oqıw dawamında tábiyat haqqındaǵı kóplegen túsinik hám atama, nızamlıqlar menen tanıstıńız. Aldınǵı klaslarda iyelegen bilim, uqıplılıq hám kónlikpeler jańa bilimler ushın tiykar boladı.

Jáhán tariyxı, 10 klas, Muǵallimler ushın metodikalıq qollanba, Xodjayev B., Abdullayev J., Hakimov N., 2022.

Учебник по истории для 10 класса на каракалпакском языке.

   Milliy oqıw baǵdarlaması tiykarında jaratılǵan 10-klass “Jáhán tariyxı” sabaqlıǵı ushın tayarlanǵan bul metodikalıq qollanbada ulıwma orta bilim beriw mektepleri oqıwshılarına jáhán tariyxı páninen qoyılatuǵın talaplar, kalendar-tematikalıq reje, interaktiv metodlar toplamı hám de sabaqlardı shólkemlestiriw boyınsha metodikalıq usınıslar berilgen. Pán oqıtıwshıları sabaq procesinde temaǵa say interaktiv metodlardı qollanıwda, sabaqtı nátiyjeli shólkemlestiriwde metodikalıq qollanbadan dóretiwshilik jaqtan jantasqan halda paydalanıwı múmkin.