литература

Сунбул билан Гул, Ўзбек халқ эртаклари, Аввалбоеа C., 2018.

Книги по художественной литературе на узбекском языке.

Фрагмент из книги:
Қадим замонда бир бой бор экан. У хотини билан жуда ҳам аҳил ва хушвақт умр кечирар экан. Бойнинг икки ўғли бор экан. Каттасининг исми - Сунбул, кичигининг исми - Гул экан. Болалар мактабга бориб, яхши ўқишибди.

Omonat uzuk, Ertaklar, To'xliyev M., Umarqulov A., 2021.

Книги по художественной литературе на узбекском языке.

   Sizga ertak eshitish yoqadimi yoki uni o'zingiz o'qishni ma’qul ko'rasizmi? Baribir, buvijoningiz yoki oyijoningiz aytib beradigan ertaklar qulog'ingizga yoqimli eshitiladi, a?! Ular bilan birga ertak qahramonlarini, voqealarni tasavvur qilishning o'zgacha gashti bor, to'g' rimi?
Ammo biz bu gal boshqacha usul qo'lladik: qo'lingizdagi kitobni o'zingiz o'qishingizni, ertakdagi voqealarni o'zingiz tasavvur qilib, o'zingiz xulosa chiqarishingizni istadik.
Aytgancha, sizning tasavvur olamingizni boyitishda harbir ertak uchun ishlangan rasm yaqindan yordam beradi.
Demak, ertaklar olamiga sayohatni boshlaymiz!

Peshonasiga televizor yopishgan bolaning sarguzashtlari, Qissalar, To‘xtaboyev X., 2013.

Книги по художественной литературе на узбекском языке.

   Bir qator jajji qissalardan iborat mazkur kitob aziz bolajonlarimiz uchun O‘zbekiston xalq yozuvchisi Xudoyberdi To‘xtaboyevning navbatdagi tuhfasi. Qissa qahramonlarining har biri atrofimizdagi bolalar. Sevimli yozuvchimizning ushbu kitobi ham muhtaram o‘quvchilarimizga manzur boladi, degan umiddamiz.

Хаётий ҳикоялар, Пирмуҳамедов Ж., 2011.

Книги по художественной литературе на узбекском языке.

   Адибнинг «Алломалар ҳақида ҳангомалар», «Нашриёт ҳанго- малари», «Маҳаллаҳангомалари», «Машаққатли йиллар ҳикоялари», «Қалтис ҳазил», «Талабалик даври ҳангомалари» туркумларига кирган ҳажвий, юмористик лавҳа, этюд, миниатюра, латифа, лофлару интермедия ҳамда жиддий ҳикоялари китобхонни беэътибор қолдирмайди. Буларда ўзи яқиндан таниган, меҳр ва ихлос қўйган атрофидаги одамлари: бутун ҳаёти ва ижодий фаолиятига манба булган жонажон «Ўқитувчи» нашриёти жамоаси заковатли шахс ва инсонлари, ўз ота-онаси, оиласи, жигарбандлари, қадрдон, сермурувват маҳалладошлари, тенгдошу оғайни-улфатлари ҳақида бадиалар акс этган.
Тўпламга кирган бу латифанамо асарлар ҳаётийлиги, инсоний меҳр ва муҳаббатга йўғрилганлиги, серзавқ ва топқирлиги, энг муҳими, ҳозирги замен интеллектуал истеъмолчиси — турли ёш ва савиядаги китобхонларга бадиий хулосанинг моҳиятини йиғиқ, содда ва равон ифодалаши билан қимматлидир.

Зарбулмасал, Гулханий, 2016.

Книги по художественной литературе на узбекском языке.

   Гулханийнинг машҳур ва ажойиб асари «Зарбулмасал»да халқ мақоллари (Гулханийнинг айтишича, 400 оммавий мақол), қисман Гулханийнинг ўзи яратган мақолсимон ҳикматли сўзлар, қисман сажлар (қофияли наср), қисман матал ва ривоятлар тўпланган. Булар тематик ва эпик жиҳатдан бир-бирига боғланиб, яхлит сюжетни ташкил этади. Асарнинг қаҳрамонлари асосан қушлардан иборатдир. Муаллиф мақоллар орқали бирбирлари билан сўзлашган қушлар образида турли ижтимоий қатламларнинг салбий урф-одатлари, хулқ-атвори, муомала ва муносабатларини кулги қилади.

Dilkusho hikoyatlar, Zokoniy U., 2016.

Книги по художественной литературе на узбекском языке.

   Qazvinlik taniqli adib, tanqidiy nazarga ega hajvchi Ubayd Zokoniy satirik asarlari bilan Markaziy Osiyo xalqlari orasida mashhur bo‘lgan. Ushbu to'plamga hajvchining latifalari, «O‘n fasl risolasi» hamda «Yuz o‘git» risolasidan namunalar kiritilgan.
Kitob keng kitobxonlar ommasiga mo'ljallangan.

Қалб салтанати, Шеърлар, Оллоёр С., 2022.

Книги по художественной литературе на узбекском языке.

   Замонавий узбек адабиётининг ёрқин намоёндаси, ўз ижодий изланишлари орқали жаҳоншумул муваффақиятларга эришган истеъдодли шоир Сафар ОЛЛОЁРнинг мазкур "Қалб салтанати" номли танланган асарлар тупламининг 2-жилди 1-жилдидаги сингари илгари эълон қилинмаган асарлардан, ҳатто шу пайтгача ҳаммадан сир сақланган шеъриятдаги янги жанр - эшсонетлардан ва илк бор нашр этилаётган навбатдаги серҳикмат қўшсатрлардан таркиб топган. Том маънода, ушбу мутлақ оригинал китоб бадиий адабиёт учун ҳам, соҳанинг чинакам мутахассису муҳиблари учун ҳам нодир туҳфадир. Зеро, муаллиф бугунги ўзбек шеърияти орқали “ЭШСОНЕТЛАР” деган дилбар лирик истилоҳда янги назмий жанрга асос солиб, биратўла 500 та эшсонетлар битар экан, уларда, умуман, ҳам нозик, ҳам (вазн, оҳанг, турок,, ҳижо ва қофия талаблари боис) имконияти чекли поэзияда илк бор Парвардигори оламнинг муборак 99 та, халқ орасидаги 36 та, жами 135 та (тоқ!) исмларидан асосий мазмунга мос фойдаланганлиги - мазкур асарнинг ҳар томонлама мукаммал монументал мақом касб этишидан далолат беради.
Шунингдек, Сафар ОЛЛОЁР мухлисларига такдим этган ушбу оригинал ижодий туҳфасида бошланғич қисмлари 1-жилдда чоп этилган, ўзи асос солган Шарқ шеъриятидаги мўъжаз шеърий шакл -"ҚЎШСАТР" номли икки мисрадан иборат энг ихчам назмий кашфиётининг навбатдаги туркумлари ҳам донишмандона фалсафий дурдоналар жамланмасидир. Бинобарин, қўлингиздаги мазкур сайланма - нафақат Шарқ, балки жаҳон бадиият оламида кам учрайдиган қувонарли ижодий ҳодиса, хирадманд ўзбек халқи маънавий-эстетик тафаккури такомилининг юксак даражотини намоён қиладиган бебаҳо бадиий яратиқ. Бу ноёб кашфиётлардан баҳрамандлик Сизга ҳам қутлуғ бўлсин, муҳтарам муштарий!

Ayyor Quyoncha, Nuriddinov R., 2023.

Книги по художественной литературе на узбекском языке.

Фрагмент из книги:
- Odamlarda bir maqol bor: «Yurgan daryo, o'tirgan bo'yra», degan. Juda to'g'ri ekan, men juda ko'p narsalarni ko'rdim va bilib oldim. Faqatgina yolg'iz safar qilish ancha xatarli ekan, shuning uchun yaxshi hamroh bilan dunyo kezishni sizlarga maslahat beraman. Endi eshikni berkitib, maza qilib uxlaylik. Bizni ertaga ko'plab xayrli ishlar kutadi, - debdi.