каракалпакский язык

Ana tili, 6 klas, Patullaeva G., Kadirimbetova S., 2022.

Книги по каракалпакскому языку для 6 класса на каракалпакскомм языке.

Фрагмент из книги.
Qanday da bir uǵımdı yaki bolmasa zattı, túsinikti belgileytuǵın, sonday-aq, seslik tańbalardıń tiykarı bul til sanaladı.
Til – adamlar arasındaǵı qarım-qatnas quralı. Til arqalı baylanıs, sóylew tili arqalı adamlardıń bir-biri menen qarım-qatnas jasawı, ulıwmaxalıqlıq milliy til arqalı túsinisiw, yaǵnıy adamzattıń til arqalı sóylesiw háreketin ámelge asırıwı tillik qarım-qatnas degendi bildiredi. Álbette, adamzatqa berilgen usı sóylew, sóylesiwdiń tek adamzatqa tán ekenligin dálilleydi.

Ana tili hám oqıw sawatlılıǵı, 3 klas, 1 bólim, Uspanova J., Abdijabbarova X., 2022.

Учебник по каракалпакскому языку для 3 класса на каракалпакском языке.

Фрагмент из книги:
Vunderkind – inglis tilinen alınǵan bolıp, tań qalarlıq balalar degendi ańlatadı. Yaǵnıy olar teńlesleri arasında aqılıy hám intellektuallıq jaqtan anaǵurlım dárejede rawajlanǵan balalar. Olarda matematika, fizika, muzıka hám enciklopediyalıq bilimler erte qáliplesken bolıwı múmkin. Olar ózleri qatarındaǵılar ele mektepte bilim alıp atırǵanında, erte jasınan, mektep pitkermesten burın joqarı oqıw orınlarında oqıp, qánigeligi boyınsha ilimiy dárejelerdi jaqlawǵa erisedi. Bunday ájayıp vunderkind balalardıń muzıkaǵa qızıǵatuǵınları operalar jazsa, sportqa qızıǵatuǵınları shaxmat chempionları dárejesine jetedi.

Ana tili, 10 klas, Abdinazimov Sh., Ismaylova Z., Kazimbetova Z., 2022.

Учебник по каракалпакскому языку для 10 класса на каракалпакском языке.

   Qaraqalpaq tili – qaraqalpaq xalqınıń milliy tili. Tilimiz sonshelli bay, ol qálegen zat hám qubılıstıń tábiyatın barınsha ashıp bere aladı. Jazıwshı, shayırlarımız tárepinen dóretilip atırǵan kórkem dóretpelerimiz tek biziń xalqımız arasında emes, al pútkil jer júzi boylap tarqalmaqta hám súyip oqılmaqta. Bul tilimizdiń qanshelli baylıǵı, onıń dógereginde jumıs alıp barıwshı dóretiwshilerdiń sóz tańlaw sheberliginiń joqarılıǵınan derek beredi.
Tilimizdiń seslik dúzilisi, sózlik quramı bay hám biytákirar. Sonday-aq, tilimizdiń grammatikalıq qurılısı da anıqlamalarǵa tolı, morfologiyalıq hám sintaksislik ólshemleri arqalı pútin tekstti ilimiy jaqtan dálillep, tolıq tallaw jasaw múmkin.

Ana tili, 7 klas, Dáwletov M., Ismaylova Z., Qazımbetova Z., 2022.

Учебник по каракалпакскому языку для 7 класса на каракалпакском языке.

Фрагмент из книги:
Adamzat tárepinen oylap tabılǵan tillerdiń heshbiri dúnyanıń universal tiline aylanbaǵan. Jáhándegi tillerdiń haqıyqıy tarqalıwına tiykarlanıp, Birlesken Milletler Shólkemi óziniń rásmiy yaki is júrgiziwshi tilleri sıpatında tómendegi altı tildi tańladı: inglis, francuz, ispan, rus, arab, hám qıtay. Olar arasında házirgi waqıtta inglis tili óz aldına orın iyeleydi.

Ana tili hám oqıw sawatlılıǵı, 1 klas, 2 bólim, Ábdinazimov Sh., Qutlímuratov B., 2021.

Учебник по каракалпакскому языку для 1 класса на каракалпакском языке.

Фрагмент из книги:
Bir kúni kóz, qulaq qol hám ayaq tórtewi jıynalıp, toyǵa atlanıptı. Qulaq qandayda bir tısırlını birinshi bolıp esitipti. Soń kóz qashıp baratırǵan haywandı abaylaptı. Ayaq sol waqıttaaq onı quwıp jetip alıptı. Al, qol uslap alıptı hám alıp júriwge qolay etip tórt ayaǵın baylaptı.

Ana tili, 10 klas, Oqıtıwshılar ushın metodikalıq qollanba, Abdinazimov Sh., Ismaylova Z., Kazimbetova Z., 2022.

Учебник по каракалпакскому языку для 10 класса на каракалпакском языке.
 
   Bul metodikalıq qollanba Milliy baǵdarlama tiykarında tayarlanǵan bolıp, onda 10-klass oqıtıwshıları ushın 10-klasta «Ana tili» sabaqlıǵında berilgen oqıw materialları menen oqıwshılardı tanıstırıw usılları, oqıtıw metodikası, zamanagóy texnologiyalardan paydalanıw boyınsha kórsetpeler berilgen. Sabaqlıq forma hám mazmun jaǵınan pútkilley jańasha kóriniste baspadan shıqqanlıǵı sebepli, bul sabaqlıqtan paydalanıw ózgeshelikleri haqqında tolıq maǵlıwmatlar hám metodikalıq usınıslar berilgen.

Ana tili, 7 klas, Oqıtıwshılar ushın metodikalıq qollanba, Ismaylova Z., Kazimbetova Z., 2022.

Учебник по каракалпакскому языку для 7 класса на каракалпакском языке.
 
   Bul metodikalıq qollanba Milliy baǵdarlama tiykarında tayarlanǵan bolıp, onda 7-klass oqıtıwshıları ushın 7-klasta «Ana tili» sabaqlıǵında berilgen oqıw materialları menen oqıwshılardı tanıstırıw usılları, oqıtıw metodikası, zamanagóy texnologiyalardan paydalanıw boyınsha kórsetpeler berilgen. Sabaqlıq forma hám mazmun jaǵınan pútkilley jańasha kóriniste baspadan shıqqanlıǵı sebepli, bul sabaqlıqlardan paydalanıw ózgeshelikleri haqqında tolıq maǵlıwmatlar hám metodikalıq usınıslar berilgen.
Metodikalıq qollanba oqıw qaraqalpaq tilinde alıp barılatuǵın klaslardıń 7-klasına bilim beriwshi oqıtıwshılar ushın arnalǵan. Pán oqıtıwshıları sabaq processinde temaǵa say interaktiv metodlardı qollanıwda, sabaqtı nátiyjeli jobalastırıwda metodikalıq qollanbadan dóretiwshilik penen qatnas jasaǵan halda paydalanıwı múmkin.

Ana tili, 6 klas, Muǵallimler ushın metodikalıq qollanba, Patullaeva G., Kadirimbetova S., 2022.

Учебник по каракалпакскому языку для 6 класса на каракалпакском языке.
 
   Húrmetli muǵallim! Bul usınılıp otırǵan metodikalıq qollanba 6-klasqa arnalǵan ana tili sabaqlıǵın paydalanıwda basshılıqqa alınadı. Ana tili pániniń sabaqlıǵı mámleketimizdiń búgingi bilimlendiriw sistemasındaǵı ámelge asırılıp atırǵan jańalıqlar, reformalardıń tiykarında qabıl etilgen jańa milliy oqıw baǵdarlaması tiykarında mekteplerde jańartılǵan bilim mazmunına say dúzildi.
Biz birneshe jıllardan beri ana tilin oqıtıw arqalı oqıwshılarǵa grammatikalıq nızamlılıqlardı, teoriyalıq bilimlerdi úyretip keldik. Bunnan bılay oqıwshılarǵa grammatikadan góre oqıwshılardaǵı sóylew kompetenciyasın, yaǵnıy tıńlap túsiniw, sóylew, oqıw, jazıw sıyaqlı ámeliy kónlikpelerdi qáliplestiriwge kóbirek itibar beriwimiz zárúr. Solay eken, bul maqsetke jetiwde qaraqalpaq tiliniń sóylew kompetenciyası elementlerin hárbir sabaqta ámeliy jaqtan qollanıw hám oqıwshıda buǵan qaraǵanda kónlikpe qáliplestiriw lazım.