Татар телен чит тел буларак укыту методикасының фәнни нигезләрен булдыру XIX гасырның икенче яртысы - XX гасырның беренче яртысына карый (К. Насыйри. В.В. Радлов. В.А. Богородицкий. М.Х. Кор-бангалиев. Р.С. Газизов Һ.6.). Әлеге чорда төп игътибар телне өйрәнүгә, татар теленә өйрәтүнең максатларына, бурычларына, ысул һәм алымнарына юнәлтелә. Лингвистика, шулай ук методика фәннәренең барлыкка килүе һәм үсеше Каюм Насыйри эшчәнлеге белән бәйле. Анын фикерләре лингвометодика фәне формалашуга хәлиткеч йогынты ясый.
