Қазақ әдеби тілінің функционадық стильдерінің бір тармағы - іс қағаздар стилі. Іс қағаздар стилінің өзіне тән лексикасын, грамматикасын, синтаксистік құрылымдарының қолданылу қызметі мен коммуникатвтік мүмкіншілігінің қасиеттері, әдеби тіліміздегі басқа функционалды стиль элементтерінің ерекшеліктері қарастырылды. Іс қағаздар стиліне тән функционалды қызмет, лексикалық сипат, грамматикалық қолданыс ерекшелігі, синтаксистік құрылым және басқа да стильдерде көріне бермейтін кейбір өзіне тән стильдік белгілердің болатындығын басқару саласындағы барлық құжаттардың мәтініндегі сөйлем қолданысының негізінде зерттеліп, салыстырмалы түрде анықталып сипатталды.
Соған орай, алдымызда тұрған мақсат ана тілімізде іскери тілдің, іс жүргізу жалпы үрдісінің дәрежесін көтеру мақсатында шетел мен Ресей елдерінің тәжірибесіне сүйене отырып, ана тіліміздің нормасын сақтай отырып, танымдық іскери тұрғыдан ұлттық іс қағаздарымыздың жүргізілу дәстүрін дамытып, қалыптастыру басты мақсатымыз болып саналады.
